ਪੰਚਕੂਲਾ ਦੇ ਵਿਕਾਸ ਲਈ 829.23 ਕਰੋੜ ਰੁਪਏ ਦਾ ਬਜਟ, ਡਰੇਨੇਜ ਤੋਂ ਲੈ ਕੇ ਆਧੁਨਿਕ ਸ਼ਹਿਰੀ ਸਹੂਲਤਾਂ ਤੱਕ ਹੋਣਗੇ ਕਈ ਕੰਮ
ਪੰਚਕੂਲਾ, 18 ਸਤੰਬਰ 2026: ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਪੰਚਕੂਲਾ ਮਹਾਨਗਰੀ ਖੇਤਰ ਦੇ ਸੰਤੁਲਿਤ, ਸੁਚੱਜੇ ਅਤੇ ਸਰਵਪੱਖੀ ਵਿਕਾਸ ਲਈ ਪੰਚਕੂਲਾ ਮਹਾਨਗਰੀ ਵਿਕਾਸ ਅਥਾਰਿਟੀ (PMDA) ਵੱਲੋਂ ਲਗਾਤਾਰ ਕੰਮ ਕੀਤਾ ਜਾ ਰਿਹਾ ਹੈ। ਵਿੱਤੀ ਸਾਲ 2026-27 ਦੌਰਾਨ ਪੰਚਕੂਲਾ ਦੇ ਵਿਕਾਸ ਕਾਰਜਾਂ ਲਈ 829.23 ਕਰੋੜ ਰੁਪਏ ਦਾ ਬਜਟ ਨਿਰਧਾਰਤ ਕੀਤਾ ਗਿਆ ਹੈ। ਇਸ ਵਿੱਚੋਂ ਲਗਭਗ 812.60 ਕਰੋੜ ਰੁਪਏ ਪੂੰਜੀਗਤ ਕਾਰਜਾਂ ’ਤੇ ਖਰਚ ਕੀਤੇ ਜਾਣਗੇ।
ਬਜਟ ਵਿੱਚ ਕਰੀਬ 449.23 ਕਰੋੜ ਰੁਪਏ ਬੁਨਿਆਦੀ ਢਾਂਚੇ ਦੇ ਵਿਕਾਸ, 270.59 ਕਰੋੜ ਰੁਪਏ ਸੰਚਾਲਨ ਅਤੇ ਰੱਖ-ਰਖਾਅ, ਜਦਕਿ 41.83 ਕਰੋੜ ਰੁਪਏ ਸ਼ਹਿਰੀ ਵਾਤਾਵਰਣ ਨਾਲ ਸਬੰਧਤ ਕੰਮਾਂ ਲਈ ਰੱਖੇ ਗਏ ਹਨ। ਸਰਕਾਰ ਦਾ ਕਹਿਣਾ ਹੈ ਕਿ ਸ਼ਹਿਰੀ ਵਿਕਾਸ ਦਾ ਮਕਸਦ ਸਿਰਫ਼ ਸ਼ਹਿਰ ਦਾ ਵਿਸਥਾਰ ਕਰਨਾ ਨਹੀਂ, ਸਗੋਂ ਨਾਗਰਿਕਾਂ ਨੂੰ ਬਿਹਤਰ, ਸੁਰੱਖਿਅਤ, ਸਾਫ਼-ਸੁਥਰੀਆਂ ਅਤੇ ਆਧੁਨਿਕ ਸਹੂਲਤਾਂ ਮੁਹੱਈਆ ਕਰਵਾਉਣਾ ਹੈ।
45 ਸਾਲ ਪੁਰਾਣੀ ਡਰੇਨੇਜ ਪ੍ਰਣਾਲੀ ਨੂੰ ਮਿਲੇਗੀ ਨਵੀਂ ਤਕਨੀਕ
ਮੁੱਖ ਮੰਤਰੀ ਨੇ ਦੱਸਿਆ ਕਿ ਪੰਚਕੂਲਾ ਦੀ ਲਗਭਗ 45 ਸਾਲ ਪੁਰਾਣੀ ...
