ਦਿਲ ਦੀਆਂ ਬਿਮਾਰੀਆਂ ਦੇ ਵਧ ਰਹੇ ਖ਼ਤਰੇ ਨੂੰ ਧਿਆਨ ਵਿੱਚ ਰੱਖਦਿਆਂ American College of Cardiology ਅਤੇ American Heart Association ਨੇ ਕੋਲੈਸਟ੍ਰੋਲ ਪ੍ਰਬੰਧਨ ਸੰਬੰਧੀ ਨਵੀਆਂ ਗਾਈਡਲਾਈਨਾਂ ਜਾਰੀ ਕੀਤੀਆਂ ਹਨ। ਇਨ੍ਹਾਂ ਦਾ ਮੁੱਖ ਮਕਸਦ ਦਿਲ ਦੀਆਂ ਬਿਮਾਰੀਆਂ ਦੀ ਸਮੇਂ ਸਿਰ ਪਹਿਚਾਣ ਅਤੇ ਪ੍ਰਭਾਵਸ਼ਾਲੀ ਇਲਾਜ ਯਕੀਨੀ ਬਣਾਉਣਾ ਹੈ। ਮਾਹਿਰਾਂ ਦੇ ਅਨੁਸਾਰ, ਲਗਭਗ 80–90 ਫੀਸਦੀ ਦਿਲ ਦੀਆਂ ਬਿਮਾਰੀਆਂ ਨੂੰ ਸਹੀ ਸਮੇਂ ਇਲਾਜ ਅਤੇ ਸਾਵਧਾਨੀ ਨਾਲ ਰੋਕਿਆ ਜਾ ਸਕਦਾ ਹੈ।
ਨਵੀਂ ਗਾਈਡਲਾਈਨ ਸਪੱਸ਼ਟ ਕਰਦੀ ਹੈ ਕਿ ਜੇ ਖੁਰਾਕ ਅਤੇ ਕਸਰਤ ਨਾਲ ਕੋਲੈਸਟ੍ਰੋਲ ਕਾਬੂ ਵਿੱਚ ਨਾ ਆਵੇ, ਤਾਂ ਦਵਾਈਆਂ ਦੀ ਸ਼ੁਰੂਆਤ ਵਿੱਚ ਦੇਰੀ ਨਹੀਂ ਕਰਨੀ ਚਾਹੀਦੀ। ਹੁਣ ਜੇ 30 ਸਾਲ ਦੀ ਉਮਰ ਵਿੱਚ ਵੀ ਕੋਲੈਸਟ੍ਰੋਲ ਵੱਧ ਮਿਲਦਾ ਹੈ, ਤਾਂ ਡਾਕਟਰੀ ਸਲਾਹ ਨਾਲ ਇਲਾਜ ਸ਼ੁਰੂ ਕੀਤਾ ਜਾ ਸਕਦਾ ਹੈ। ਸਰੀਰ ਵਿੱਚ ਬੈਡ ਕੋਲੈਸਟ੍ਰੋਲ ਜਿੰਨਾ ਘੱਟ ਹੋਵੇ, ਦਿਲ ਦੀ ਸਿਹਤ ਲਈ ਉਨਾ ਹੀ ਚੰਗਾ ਮੰਨਿਆ ਜਾਂਦਾ ਹੈ।
ਆਮ ਵਿਅਕਤੀ: 100 mg/dL ਤੋਂ ਘੱਟ
ਹਾਰਟ ਅਟੈਕ ਜਾਂ ਸਟ੍ਰੋਕ ਦੇ ਮਰੀਜ਼: 55 mg/dL ਤੋਂ ਘੱਟ
ਹਾਰਟ ਡਿਜ਼ੀਜ਼ ਦੇ ਉੱਚ ਜੋਖਮ ਵਾਲੇ ਲੋਕ: 70 mg/dL ਤੋਂ ਘੱਟ
ਸਿਰਫ਼ ਲਿਪਿਡ ਪ੍ਰੋਫਾਈਲ ਕਾਫ਼ੀ ਨਹੀਂਡਾਕਟਰਾਂ ਨੇ ਹੁਣ ਉੱਨਤ ਟੈਸਟਾਂ ਦੀ ਵੀ ਸਿਫ਼ਾਰਸ਼ ਕੀਤੀ ਹੈ, ਜਿਵੇਂ ਕਿ CAC ਸਕੈਨ, Lp(a) ਟੈਸਟ ਅਤੇ ApoB ਟੈਸਟ। ਇਸ ਦੇ ਨਾਲ ਪਰਿਵਾਰਕ ਇਤਿਹਾਸ, ਸ਼ੂਗਰ ਅਤੇ ਆਟੋਇਮਿਊਨ ਬਿਮਾਰੀਆਂ ਨੂੰ ਵੀ ਗੰਭੀਰਤਾ ਨਾਲ ਦੇਖਿਆ ਜਾਣਾ ਚਾਹੀਦਾ ਹੈ।
ਕਿਹੜੇ ਲੋਕ ਵੱਧ ਖ਼ਤਰੇ ਵਿੱਚ ਹਨ?
ਗਾਈਡਲਾਈਨ ਮੁਤਾਬਕ ਹੇਠ ਲਿਖੇ ਲੋਕਾਂ ਨੂੰ ਵਧੇਰੇ ਸਾਵਧਾਨੀ ਦੀ ਲੋੜ ਹੈ:
40 ਸਾਲ ਤੋਂ ਵੱਧ ਉਮਰ ਵਾਲੇ ਵਿਅਕਤੀਸ਼ੂਗਰ ਅਤੇ ਹਾਈ ਬਲੱਡ ਪ੍ਰੈਸ਼ਰ ਦੇ ਮਰੀਜ਼ਕਿਡਨੀ ਬਿਮਾਰੀ ਜਾਂ HIV ਨਾਲ ਪੀੜਤ ਲੋਕਕਮਜ਼ੋਰ ਇਮਿਊਨਿਟੀ ਵਾਲੇ ਜਾਂ ਪਰਿਵਾਰ ਵਿੱਚ ਦਿਲ ਦੀ ਬਿਮਾਰੀ ਦਾ ਇਤਿਹਾਸ ਰੱਖਣ ਵਾਲੇ ਲੋਕ
ਬਚਾਅ ਲਈ ਅਪਣਾਓ ਇਹ 5 ਅਹਿਮ ਸੁਝਾਅ
ਕੋਲੈਸਟ੍ਰੋਲ ਕੰਟਰੋਲ ਲਈ ਸਿਹਤਮੰਦ ਜੀਵਨ ਸ਼ੈਲੀ ਬਹੁਤ ਜ਼ਰੂਰੀ ਹੈ:
ਸੰਤੁਲਿਤ ਖੁਰਾਕ: ਮੈਦਾ ਅਤੇ ਵੱਧ ਤੇਲ ਵਾਲੀਆਂ ਚੀਜ਼ਾਂ ਤੋਂ ਪਰਹੇਜ਼ ਕਰੋ
ਨਿਯਮਿਤ ਕਸਰਤ: ਹਰ ਰੋਜ਼ ਘੱਟੋ-ਘੱਟ 30 ਮਿੰਟ ਸਰੀਰਕ ਸਰਗਰਮੀ
ਪੂਰੀ ਨੀਂਦ ਅਤੇ ਵਜ਼ਨ ਕਾਬੂ: ਰੋਜ਼ 7 ਘੰਟੇ ਨੀਂਦ ਲਓ ਅਤੇ ਵਜ਼ਨ ਸੰਤੁਲਿਤ ਰੱਖੋ
ਨਸ਼ਿਆਂ ਤੋਂ ਦੂਰ ਰਹੋ: ਸਿਗਰਟਨੋਸ਼ੀ ਅਤੇ ਹੋਰ ਨਸ਼ਿਆਂ ਤੋਂ ਬਚੋ
ਨਿਯਮਿਤ ਜਾਂਚ: ਸਮੇਂ-ਸਮੇਂ ‘ਤੇ ਸਿਹਤ ਟੈਸਟ ਕਰਵਾਉਂਦੇ ਰਹੋ
ਭਾਰਤ ਲਈ ਇਹ ਗਾਈਡਲਾਈਨ ਕਿਉਂ ਮਹੱਤਵਪੂਰਨ?
Rajiv Gandhi Hospital ਦੇ ਕਾਰਡੀਓਲੋਜੀ ਵਿਭਾਗ ਦੇ ਡਾ. ਅਜੀਤ ਜੈਨ ਦੇ ਅਨੁਸਾਰ, ਭਾਰਤ ਵਿੱਚ ਨੌਜਵਾਨਾਂ ਵਿੱਚ ਹਾਰਟ ਅਟੈਕ ਦੇ ਮਾਮਲੇ ਤੇਜ਼ੀ ਨਾਲ ਵੱਧ ਰਹੇ ਹਨ। ਇਸ ਲਈ ਭਾਰਤੀਆਂ ਲਈ ਇਹਨਾਂ ਅੰਤਰਰਾਸ਼ਟਰੀ ਗਾਈਡਲਾਈਨਾਂ ਦੀ ਪਾਲਣਾ ਕਰਨੀ ਬਹੁਤ ਜ਼ਰੂਰੀ ਹੈ। ਹਰ ਤਿੰਨ ਮਹੀਨੇ ਬਾਅਦ ਲਿਪਿਡ ਪ੍ਰੋਫਾਈਲ ਟੈਸਟ ਕਰਵਾਉਣਾ ਅਤੇ ਡਾਕਟਰੀ ਸਲਾਹ ਲੈਣਾ ਸਮੇਂ ਦੀ ਲੋੜ ਬਣ ਚੁੱਕੀ ਹੈ।