ਸ਼ੇਅਰ ਬਾਜ਼ਾਰ ’ਚ ਵੱਡੀ ਗਿਰਾਵਟ, Sensex 900 ਤੋਂ ਵੱਧ ਅੰਕ ਡਿੱਗਿਆ; Nifty ਵੀ 1.4% ਹੇਠਾਂ
ਨਵੀਂ ਦਿੱਲੀ, 8 ਅਕਤੂਬਰ 2026: ਬਾਂਡ ਯੀਲਡ ਵਿੱਚ ਲਗਾਤਾਰ ਵਾਧੇ ਅਤੇ ਗਲੋਬਲ ਸ਼ੇਅਰ ਬਾਜ਼ਾਰਾਂ ਵਿੱਚ ਕਮਜ਼ੋਰੀ ਦਾ ਅਸਰ ਭਾਰਤੀ ਇਕਵਿਟੀ ਬਾਜ਼ਾਰ ’ਤੇ ਵੀ ਸਾਫ਼ ਨਜ਼ਰ ਆ ਰਿਹਾ ਹੈ। ਭਾਰਤੀ ਸ਼ੇਅਰ ਬਾਜ਼ਾਰ ਲਗਾਤਾਰ ਦੂਜੇ ਕਾਰੋਬਾਰੀ ਸੈਸ਼ਨ ਦੌਰਾਨ ਦਬਾਅ ਹੇਠ ਰਿਹਾ। ਵੀਰਵਾਰ ਨੂੰ ਪ੍ਰਮੁੱਖ ਬੈਂਚਮਾਰਕ ਸੂਚਕਾਂਕ Sensex ਅਤੇ Nifty 50 ਦੀ ਸ਼ੁਰੂਆਤ ਲਗਭਗ ਸਪਾਟ ਅਤੇ ਮਿਲੇ-ਜੁਲੇ ਰੁਖ ਨਾਲ ਹੋਈ, ਪਰ ਕਾਰੋਬਾਰ ਅੱਗੇ ਵਧਣ ਦੇ ਨਾਲ ਵਿਕਰੀ ਦਾ ਦਬਾਅ ਵਧ ਗਿਆ ਅਤੇ ਦੋਵੇਂ ਸੂਚਕਾਂਕ ਲਾਲ ਨਿਸ਼ਾਨ ’ਤੇ ਆ ਗਏ।
ਦੁਪਹਿਰ 1 ਵਜੇ ਤੱਕ Sensex 909.45 ਅੰਕ ਜਾਂ 1.25 ਫ਼ੀਸਦੀ ਡਿੱਗ ਕੇ 71,729.26 ਦੇ ਪੱਧਰ ’ਤੇ ਆ ਗਿਆ। ਇਸੇ ਦੌਰਾਨ Nifty 50 ਵੀ 323.10 ਅੰਕ ਜਾਂ 1.43 ਫ਼ੀਸਦੀ ਦੀ ਗਿਰਾਵਟ ਨਾਲ 22,279.95 ’ਤੇ ਕਾਰੋਬਾਰ ਕਰ ਰਿਹਾ ਸੀ। ਨਿਫਟੀ ਨੇ ਦਿਨ ਦੌਰਾਨ 22,254.30 ਦੇ ਹੇਠਲੇ ਪੱਧਰ ਨੂੰ ਵੀ ਛੂਹਿਆ।
ਕਿਹੜੇ ਸੈਕਟਰਾਂ ’ਤੇ ਸਭ ਤੋਂ ਵੱਧ ਦਬਾਅ?
ਬਾਜ਼ਾਰ ਵਿੱਚ ਵਿਕਰੀ ਦਾ ਦਬਾਅ ਕਈ ਪ੍ਰਮੁੱਖ ਸੈਕਟਰਾਂ ਵਿੱਚ ਦੇਖਣ ਨੂੰ ਮਿਲਿਆ। ਨਿਫਟੀ ਮੈਟਲ ਇੰਡੈਕਸ ਵਿੱਚ 3.23 ਫ਼ੀਸਦੀ ਦੀ ਸਭ ...
